QUO ESAS ULI ?
L'Uniono por la Linguo Internaciona (ULI) fundesis
la 31ma di julio 1910 kun por misiono developar e
propagar la helplinguo internaciona Ido.
L'Ido esas reformo dil Esperanto kreita da la Delegitaro por l'adopto
di Helplinguo Internaciona pos la refuzo di Esperantisti aceptar
la plubonigi e simpligi dil Esperanto
propozita
da la Delegitaro kunsidita
en Paris
dum octobro 1907 por selektar la maxim
bona projeto di helplinguo internaciona kun la suporto di plu kam
1200 membri di Akademii, Fakulti, Universitati e di plu kam 300 asociitari
internaciona.
La principua plubonigi e simpligi dil Esperanto adoptiita da la Delegitaro esis la sequanti :
- abandono di literi supersignata ĉ ĝ ĥ ĵ ŝ ŭ specifika dil
Esperanto e uzado di l'alfabeto latina nesupersignata
- abandono dil akordo di adjectivi kun la pluralo ed l'akusativo.
- abandono dil sistematala uzado dil akusativo por uzar ol nur kande
l'ordino subjekto-verbo-komplemento ne respektesas.
- adoptado di nova afixi kom "des-, -iv, -oz, -al" por faciligar
la derivadi.
- uzado min intensiva di afixi por donar aspekto plu naturala a la linguo
: exemple : "kurta,
matro, ..."
vice "mal.longa, patr.ino, ..." en
Esperanto.
Hodie l'ULI di qua la sideyo situesas ad Amsterdam
(Nederlando) esas asociitaro internaciona funcionante kun la helpo
di bonvolanti qui esforcas developar e propagar
Ido principue per la sequanta agi :
- Mantenado del universaleso dil Ido per la Linguala
Komitato
- Editado del revuo trimestrala "Progreso"
- Organizado de Renkontri Internaciona por Idisti
- Susteno e helpo al Ido-asociitari nacionala
- Informo en la mediato (interreto, jurnalaro, radio, ...)
- Serchado de meceno
- ...
L'adhero ad ULI kustas 15€/yaro e posibligas recevar la revuo Progreso
|